Umsóknarfrestur fyrir nám á vorönn í ferðamáladeild og fiskeldis- og fiskalíffræðideild við Háskólann á Hólum er 30. október.

Nám í boði:
> Diplóma í ferðamálafræði (90 ects) – staðnám eða fjarnám
> Diplóma í viðburðastjórnun (60 ects) – fjarnám
> BA í ferðamálafræði (180 ects) – staðnám eða fjarnám
> Diplóma í fiskeldisfræði (90 ects) – fjarnám

Umsóknareyðublöð og inntökuskilyrði

Ferðaþjónusta og fiskeldi eru atvinnugreinar sem eru í örum vexti og skortir fólk með góða menntun. Reynslan sýnir að skólinn útskrifar fólk sem getur tekið virkan þátt í uppbyggingu viðkomandi greina og því er óhætt að segja að námið gefi spennandi starfsmöguleika og
fjölbreytta. Í skólanum fer fram umfangsmikið rannsókna- og þróunarstarf þannig að kennslan byggir á nýjustu upplýsingum og straumum sem í gangi eru hverju sinni.

MYNDBAND ÚR SKÓLALÍFINU - Höfundur: Anup Gurung

Frekari upplýsingar
Við vonum að þú eigir auðvelt með að fikra þig í gegnum vefinn og finna þær upplýsingar sem þú þarft áður en þú sækir um skólavist. Ef einhverjar spurningar vakna skaltu ekki hika við að hafa samband:
Guðrún Helgadóttir deildarstjóri ferðamáladeildar
Helgi Thorarensen deildarstjóri fiskeldis- og fiskalíffræðideildar

Velkomin í heimsókn!
Verðandi nemendum er velkomið að koma í heimsókn til okkar, kynna sér aðstæður og spjalla við deildarstjóra, kennara og annað starfsfólk. Nemendur eru líka alltaf til í að ræða við væntanlega nemendur - nema kannski þegar þeir eru á hausnum í próflestri! Hafið samband fyrirfram.