Það gekk vel hjá nemendum að tileinka sér vinnubrögðin í reiðtímum þegar ljósmyndari leit til þeirra. Nemendur voru í kennslustund hjá Sölva Sigurðarsyni í námskeiðinu Reiðmennska III en Mette Mannseth og Þorsteinn Björnsson kenna einnig það námskeið. Kennsla fer fram á hesti sem nemandi kemur sjálfur með í skólann og lögð er áhersla á markvissa og kerfisbundna uppbyggingu reiðhests í samræmi við þjálfunarstigin. Áfram er haldið með verklega þjálfun nemandans í reiðmennsku og ásetu. Í tímanum voru nemendur að vinna með hestinn við hendi.

Sölvi Sigurðarson reiðkennari leiðbeinir þeim Huldu og Leifi Georgi

-----------------------

Á sama tíma í annarri reiðhöll fór fram reiðkennsla í námskeiðinu Reiðmennska I sem Ísólfur Líndal kennir en í þeim reiðtímum fer kennsla fram á skólahesti. Nemandinn fær verklega þjálfun í reiðmennsku, þar sem reynir á jafnvægi, ásetu og samspili ábendinga. Nemendur voru þegar ljósmyndari kíkti við að æfa sig án ístaða.

Þórarinn á Þórdísi

Elin Petronella Hannula á Bokka

Þórarinn á Þórdísi, Sigríður Marta á Eldborg og Ingeborg á Jaðri

- Ljósmyndir og texti: Vigdís