Gæði, fjölbreytni, menning og náttúra
Ferðamáladeild Hólaskóla, Háskólans á Hólum býður upp á háskólanám í ferðamálafræði og viðburðarstjórnun með áherslu á náttúru og menningu. Námið er hagnýtt, fræðilegt og fjölbreytt. Í rannsóknum sínum leggur deildin áherslu á  hagnýta ferðamálafræði einkum á sviðum er lúta að uppbyggingu og ímynd áfangastaða, vöruþróun og rekstri, sem og afþreyingu hvers konar.

Gildi
- Fagmennska 
- Gagnrýnin hugsun
- Samvinna og samstarf
- Samþætting fræða og framkvæmdar
- Sjálfbærni
- Virðing

Markmið
- Sjálfbær nýting náttúru og menningar sé leiðarljós í ferðamálum
- Að efla rannsóknir á sviði ferðamála
- Rannsóknir, þróun og menntun séu rækilega samtvinnuð
- Námið byggi á virkni nemandans
- Námið einkennist af fjölbreytni, sé hagnýtt og raunhæft
- Námið bjóði upp á fjölbreytt atvinnutækifæri að námi loknu
- Samstarf við fyrirtæki, stofnanir og samtök í ferðamálum/ferðaþjónustu sé virkt
- Að auka fagmennsku og gæði í ferðaþjónustu
- Áhersla á vöruþróun og nýsköpun í ferðaþjónustu

Sýn
Ferðamáladeild Háskólans á Hólum verði öndvegissetur í hagnýtri ferðamálafræði, það er virk og viðurkennd í alþjóðlegu samstarfi á sínu sviði. Starf deildarinnar sé þáttur í fræðilegri orðræðu, nýsköpun þekkingar og þróun fagmennsku í ferðamálum í ferðamálum.  Ferðamáladeild Háskólans á Hólum stuðlar að ábyrgri uppbyggingu ferðaþjónustu með kennslu, rannsóknum, verkefnum og víðtæku samstarfi við fyrirtæki, háskóla og rannsóknastofnanir.

Deildarstjóri ferðamáladeildar er Kristina Tryselius, kristina[hjá]holar.is