UMSÓKNAREYÐUBLÖÐ

Diplómanám í fiskeldi
Námið samanstendur af eins vetrar bóklegu og verklegu námi við Hólaskóla (60 ECTS) og 12 vikna verknámi.

NÝJUNG:

Meginhluti námsins er kenndur í tveggja til fjögurra vikna lotum. Loturnar eru í boði í staðnámi þar sem nemandinn er allan tímann á Hólum og í fjarnámi þar sem nemandinn mætir í verklega hluta á Hóla.

Nemendur geta valið um að taka allar loturnar í röð og ljúka þannig diplómanámi á einu ári, dreifa lotunum á fleiri ár og ljúka diplómanámi á lengri tíma eða sitja einstakar lotur og nýta þær sem endurmenntun í faginu.

Markmið diplómanáms í fiskeldi við Hólaskóla - Háskólann á Hólum er að mennta einstaklinga til þess að sinna fjölbreyttum störfum á sviði fiskeldis og fiskalíffræði. Að loknu námi eiga nemendur að geta tekið að sér sérhæfð störf í fiskeldisstöðvum og sinnt rekstri fiskeldisstöðva.

BS-nám í sjávar og vatnalíffræði
(sameiginleg námsleið með Háskóla Íslands)
Nemendur stunda nám við líffræðiskor Háskóla Íslands á 1. – 4. misseri, en á 5. – 6. misseri  stunda þeir námið við Hólaskóla – Háskólann á Hólum. Gert er ráð fyrir því að námið við líffræðiskor Háskóla Íslands sé 124 ECTS og 60 ECTS við fiskeldis- og fiskalíffræðideild Háskólans á Hólum. Sérfræðingar Háskólans á Hólum koma að kennslu á fyrsta og öðru ári og mun sú kennsla að hluta til fara fram í Háskólanum á Hólum.
Markmið námsins er að mennta nemendur til starfa við kennslu og rannsóknir á sviði sjávar- og vatnalíffræði og undirbúa þá fyrir frekara nám á meistara- eða doktorsstigi. Áhersla er lögð á góða grunnmenntun í líffræði með sérstaka áherslu á líffræði fiska. 


MS-nám í sjávar- og vatnalíffræði
Rannsóknanám til meistaraprófs (M.S.) er 120 ECTS (að jafnaði tveggja ára vinna). Markmið M.S. námsins er að mennta vísindamenn sem geta unnið að þróun sinnar fræðigreinar og starfað sem sérfræðingar á sínu fræðasviði. Að námi loknu skulu nemendurnir vera vel undirbúnir fyrir áframhaldandi nám á PhD stigi.

UMSÓKNAREYÐUBLÖÐ