Eventlist

Ferðamáladeild Háskólans á Hólum gengst fyrir fyrirlestrarröð á vordögum 2010. Föstudaginn 26. febrúar, kl 11.30 verður haldinn fyrirlestur í kennslustofu ferðamáladeildarinnar í skólahúsinu á Hólum í Hjaltadal.

Snorri Styrkársson hagfræðingur, stundakennari við Háskólann á Hólum og starfsmaður Kaupfélags Skagfirðinga mun halda erindi sem hann nefnir:
Hæfni fjárfestingarsjóða í nýsköpunar- og sprotafyrirtækjum

Fyrirlesturinn fjallar um hvort fjárfestingarsjóðir sem fjárfesta í nýsköpunar- og sprotafyrirtækjum hafi eitthvað annað fram að færa en peninga til að styðja við vöxt og viðgang fyrirtækja sem ætlað er að auka vöxt og nýsköpun samfélagsins.  Fyrirlesturinn byggir á meistararitgerð Snorra Styrkárssonar við Háskólann á Bifröst og greinir m.a. árangur fjárfestinga Nýsköpunarsjóðs atvinnulífsins.

Að fyrirlestri loknum geta gestir keypt hádegisverð að hætti Hólamanna.